Ի՞նչ կփոխի ճամփորդությունը քո կյանքում

Կյանքում տեղի ունեցող ցնկացած իրադարձություն իր ազդեցությունն է թողնում մեր մտածելակերպի, ապրելաոճի և առօրյայի վրա։ Մենք ամեն օր ինչ–որ նոր բան ենք սովորում և դա շնորհիվ այն դպրոցի, որի անունը կյանք է։ Մեզ սովորեցնողների և մեր կյանքի վրա իր մեծ աղդեցությունն ունեցողների շարքում են ճանապարհորդությունները։ Անընդհատ ճանապարհորդող մարդը սկսում է տիրապետել ցանկացած իրավիճակի և ավելի ճկուն է խնդիրների լուծման հարցում։

Այսօր կխոսենք այն մասին, թե ինչպես է ազդում ճանապարհորդությունը մարդու կյանքի վրա, քանի որ ամեն ճանապարհորդությունից հետո անհնար է մնալ այնպիսին, ինչպիսին որ եղել ենք։

Դե ինչ, մենք սկսում ենք.

• Առաջին հերթին ճանապարհորդող մարդը սովորում է, թե ինչպես արագ որոշումներ կայացնել։ Ձեր քաղաքում դուք անգիր գիտեք, թե որտեղից կարող եք ավելի մատչելի գնումներ կատարել, որ ռեստորանում կարելի է համեղ սնվել, որտեղից արագ սնունդ պատվիրել և այլն։ Այս ամենը շատ հեշտ է մինչև այն պահը, երբ դուք հայտնվում եք անծանոթ միջավայրում։ Այս դեպքում դուք պետք է կարևոր որոշումներ կայացնեք, որոնցից ուղղակիորեն կախված կլինի, թե որտեղ եք գիշերելու, և ինչ եք ուտելու:
• Ճանապարհորդությունը սովորեցնում է ճիշտ օգտագործել ֆինանսները։ Սկզբում անհրաժեշտ է մոտավորապես պլանավորել ծախսերը, իսկ հետո, ճանապարհորդության ողջ ընթացքում զգոն պահել Ձեր մեջ ապրող հաշվապահին, նոuյնիսկ եթե դուք հումանիտար կրթություն ունեք։ 
• Սկսում ենք տիրապետել հաճույք ստանալու արվեստին։ Պետք է հիշեք, որ ժամանակը վերջանալու հատկություն ունի։ Գնացքը կարող է ուշանալ, եղանակը կարող է անձրևոտ լինել, սրճարանում կարող է չլինել Ձեր սիրած սուշին, աշխարհը կատարյալ չէ, ուստի ժամանակը մի ծախսեք Ձեզ անհաջողակ համարելու կամ ամեն ինչ բախտին թողնելու վրա, այլ ամեն վայրկյանը վայելեք այնպես, ինչպես կվայելեիք Ձեր կյանքի ամենաֆանտաստիկ օրերը։
• Օգտագործել օտար լեզու և պատվիրել ուտելիք սրճարանում, գնել էքսկուրսիայի տոմսեր կամ ճշտել ճանապարհը և այս ամենը Ձեր լեզուն չհասկացող մարդկանցով լցված քաղաքում։ Այս ամենը դուք սովորում եք ոչ միայն դպրոցում կամ համալսարանում, այլև օտար երկրում ժամանակ անցկացնելու ընթացքում։
• Ճամփորդության ընթացքում դուք կհասկանաք, թե որքան քիչ բան է պետք է երջանկության համար իրականում և կսկսեք գնահատել ամենափոքրիկ բաները։
• Ճանապահրոդությունը կօգնի հասկանալ սեփական ես–ին։ Ուղևորության ընթացքում դուք ստանում եք շատ կարևոր հարցերի պատասխաններ: Հեռանալով ձեր առօրյա կյանքից և ամենօրյա ռեժիմից, նոր մտքերը գալիս են ինքնաբերաբար, դուք սկսում եք հարցերին նայել այլ կերպ, և հավանական է, որ խնդրի լուծումը, որը դուք արդեն երկրորդ շաբաթն է չեք գտնում, կծագի ձեր գլխում՝ գեղեցիկ մայրամուտին հետևելիս:

Դե ինչ, այս անգամ պատրաստել էինք այսքանը։ Մենք վստահ ենք, որ դուք ևս նկատում եք այս փոփոխությունները աշխարհի տարբեր ծայրերում ճանապարհորդելու ընթացքում։ 

Մենք հավատում ենք այն գաղափարին, որ ճամփորդությունը լավագույն կրթությունն է:

Սիրով՝ Go Travel: