6 մասնագիտություն այն մարդկանց համար, ովքեր սիրում են ճանապարհորդել

Դուք կարող եք աշխատել ամեն օր ժամը 9-ից մինչև 18:00, և միայն տարվա մեջ մեկ անգամ ունենալ հնարավորություն գնալ ցանկացած երկիր՝ հանգստանալու: Իհարկե, հաշվի առնենք այն փաստը, որ չկա այնպիսի ընկերություն, որը Ձեզ հնարավորություն կտա հանգստանալ Ձեր երազած վայրում 10-15 օրից ավել: Այսօր Go Travel-ը կներկայացնի մի քանի մասնագիտություն, որոնք ընտրելով ավելի շատ հնարավորություն կստանաք տեսնել Ձեր սիրելի վայրերն ամբողջ աշխարհում: 

Եվ այսպես, սկսում ենք:

• Մարքեթինգի ոլորտը վերջին տարիներին մեծ թափով զարգացում է ապրել, հատկապես Հայաստանում այս ոլորտն սկսեց ետ մղել շատ այլ ոլորտների: Սա, իհարկե անհերքելի փաստ է: Մեր օրերում հաճախ կհանդիպեք մասնագետների, որոնք նախընտրում են Freelance կոչվող աշխատանքային ոճը: Հատկապես մարքեթինգի տարբեր ճյուղերի մասնագետները հեշտությամբ կարող են օգտվել այս հնարավորությունից և ունենալով եկամտաբեր աշխատանք, համատեղել այն սիրելի զբաղմունքի՝ ճանապարհորդությունների հետ:
• Շինարարական նախագծի ղեկավարները ևս օգտվում են այս ճոխ հնարավորությունից: Այս ոլորտի ներկայացուցիչները պարտավոր են մաքսիմալ պատասխանատվությամբ մոտենալ իրենց աշխատանքին, ուստի նաև կստաննա հնարավորություն իրականացնել ամիսներով տևող շինարարական աշխատանքների ղեկավարումը սեփական քաղաքից, կամ նույնիսկ երկրից դուրս: Իհարկե, նման հնարավորություն ստանալու համար միայն մասնագիտություն ունենալը բավարար չէ: Այստեղ կա պահանջարկի գործոնը: Ուստի ցանկալի է, որ մասնագետը լինի իր ոլորտի առաջատարներից մեկը:
• Բավական է լինել խորհրդատու որևէ հայտնի միջազգային ընկերությունում և աշխարհի տարբեր ուղղություններով ճանապարհորդելու տոմսը Ձեր ձեռքում է: Իհարկե, երկրների և քաղաքների ընտրությունը ձեզնից կախված չէ չէ, սակայն ճանապահրոդության սիրահարների համար հետաքրքիր կլինի բացահայտել աշխարհի ցանկացած ուղղություն:
• Դուք հիմա կապշեք, քանի որ մենք պատրաստվում ենք կոտրել կարծրատիպ: Հաճախ ճանապարհորդող մասնագետների ցանկում իրենց տեղն ունեն ուսուցիչները: Իհարկե, խոսքը վերաբերվում է այն մասնագետներին, ովքեր չեն բավարարվում որևէ դպրոցում համեստ աշխատավարձով աշխատող մասնագետներին: Այն, որ դուք տիրապետում եք այլ օտար լեզվի, դա արդնե բավարար է որևէ այլ երկրում տվյալ լեզվի ժամանակավոր կուրսեր անցկացնելու և զուգահեռ աշխարհին ծանոթանալու համար:
• Բորտուղեկցուհու աշխատանքի մասին երկար չենք խոսի, քանի որ պարզից է պարզ է, որ այս գործով զբաղվող մարդիկ անկախ իրենց կամքից ճանապարհորդում են աշխարհի տարբեր ուղղություններով:
• Եվ իհարկե մեր շարքում չէին կարող իրենց տեղը չգտնել էքսկուրսավարները: Այս մարդիկ ոչ միայն կարող են տեսնել իրենց երկրի, այլև ողջ աշխարհի ամենակուրորտային վայրերը, շնորհիվ իրենց ընտրած մասնագիտության:

Կան մասնագիտություններ, որոնք գուցե և մենք բաց թողեցինք, սակայն այսօրվա մեր բլոգը ևս մեկ անգամ հուշում է այն մասին, որ մասնագիտություն ընտրելիս հարկավոր է չմոռանալ սիրելի զբաղմունքների և երազանքների մասին, քանի որ դրանք համատեղելը միանշանակ անհնարին չէ:

Այս անգամ պատրաստել էին այսքանը: Սիրով՝ Go Travel: