5 բան, որ հարկավոր է անել Միլանում

Միլանն այն քաղաքն է, որտեղ յուրաքանչյուր զբոսաշրջիկ կարող է իր նախասիրությամբ զբաղմունք գտնել: Մենք առանձնացնում են այն 5 ամենահետաքրքիր զբաղմունքները, որոնք անմոռանալի կդարձնեն Ձեր օրը Միլանում:

Հիանալ քաղաքի գեղեցկությամբ Միլանյան Դուոմո տաճարի տանիքից

Միլանի Դուոմո մայր եկեղեցին իսկապես ինքնատիպ ճարտարապետական կոթող է: Այն ապշեցնում է ինչպես չափերով, այնպես էլ ճարտարապետական տարբեր ոճերի յուրահատուկ խառնուրդով:
Վիթխարի տաճարը կառուցվել է մոտ 7 դար շարունակ: Այն գտնվում է Միլանի կենտրոնում և տեղավորում է մոտ 40,000 ուխտավոր:
Վերևից դիտելիս՝ գոթիկա-ռենեսանսային ոճով սպիտակ մարմարից կառուցված եկեղեցին նման է կաթոլիկ խաչի: Դրա ամենաբարձր կետը Տիրամոր պատկերով զարդարված վեղարն է՝ 106 մետր բարձրությամբ:

Այցելել պատկերասրահներ

Միլանի Բրերի անվան թանգարանը արվեստի սիրահարների համար իդեալական վայր է: Այս թանգարանում են գտնվում իտալական արվեստի հանրահայտ ներկայացուցիչների աշխատանքների բնօրինակները: Տինտորետո, Ռաֆայել, Մոդիլիանի… Գրավիչ է, այնպես չէ ՞: Միլանում կարող եք այցելել նաև Ժամանակակից արվեստի  պատկերասրահ, Սֆորզա ամրոց, Բնական պատմության թանգարան, Պալացցո Մորիջա, Հնագիտության  թանգարանը և Պալացցո Մորանդո:

Փորձել ամենահամեղ պաղպաղակը

Գտնվել Իտալիայում և չփորձել իտալական պաղպաղակ, գրեթե անհնարին է: Ամենահամեղ պաղպաղակները կարող եք համտեսել  Il Massimo Del Gelato սրճարանում: Պաղպաղակի սիրահարները այստեղ կարող են գտնել ցանկացած տեսակի և համի պաղպաղակ: 

Գնումներ կատարել 

Նրանք, ովքեր հետաքրքրվում են նորաձևությամբ և դրա վերջին հավաքածուներով, ինչպես նաև նրանք, ում համար կարևոր են որակյալ ապրանքնատեսակները, Միլանում երբեք չեն ձանձրանա:

Անցկացնել անկրկնելի երեկո հանրահայտ Լա Սկալա օպերայի թատրոնում

Լա Սկալա օպերայի թատրոնը իտալական Միլան քաղաքի հարստություններից մեկն է: Այն հանրության առջև պաշտոնապես բացվել է 1778 թ.-ի Օգոստոսի 3-ին, իսկ առաջին ներկայացումը եղել է Անտոնիո Սալիերիի "Europa riconosciuta" օպերան: Թատրոնն 1907թ.-ի վերանորոգումից հետո ունի 2,800 նստատեղ: Աշխարհի տարբեր երկրների հայտնի մեծանուն կատարողները պատիվ են ունեցել երգել Լա Սկալայի բեմից: